“Uri ng Panulat”

Meron tayong ibat-ibang uwi ng panulat sa buhay.

Mag-umpisa tayo sa unang panulat na ating nahawakan.

KRAYOLA- makukulay na mga aparato pangkulay upang malaman natin habang bata pa na kailangan natin lagyan ng kulay ang bawat bagay at magpakasaya lang habang bata pa.

LAPIS- Ang pangalawang panulat na ating nahawakan. May ibat-ibang uri ng lapis, na kalamitang ginagamit sa eskwelahan bilang panulat o pangdrawing.

May katamtamang sukat lang na nagpapakita at magtuturo sa atin na isang obra ay may ibat-ibang nipis, hugis at kapal na lihim nito na magpapakita na sa buhay ay may ibat-ibang uri tayong pagdadaanan. May manipis at katamtamang lilim kung saan nagsasabing sakto lang ang mga bagay na nangyayari sayo. Makapal at sobrang itim ang simbolo ng paghihirap at pighati.

Pero ayos lang, magaan man o mabigat na lapis ang ginagamit mong panulat pwede pang burahin at itama ang mga pagkakamaling nagawa.

BALLPEN- Marami ring uri ng ballpen, may sobrang nipis na signpen at ang saktong ballpoint pen. Sa manipis na signpen magsisimbulo ito ng mga pagdurusa na sa sobrang nipis ang siyang magbibigay ng detalyadong obra ng buhay ang magpapakita ng sobrang paghihirap na dinaranas mo. Ang simpleng ballpen na madalas gamiting panulat sa buhay, simbulo na bawat tao ay normal lang at hindi perpekto upang hindi magkamali. Ang ballpen ang magpapakita na may mga bagay na hindi na kayang burahin pa. ngunit hindi mo kailangan mag-alala dahil meron pang WHITE-ERASER. Ang masakit lang ay hindi nito mabubura lahat ng pagkakamali mo. Tatakpan lang nito ang sugat sa puso mo at mananatiling nakasulat sa iyong buhay. Maaaring mapagtakpan ngunit hindi na maaring mabago nito ang katotohanan.

Pero take lang,

Hindi makukumpleto ang buhay mo kung wala kang PAPEL.

Papel sa buhay.

Papel kung san itatala ang bawat pangyayari sa buhay.

Papel na magsisilbing talaan ng bawat pangyayari.

Papel na tanging ikaw lang ang pwedeng sumira.

Papel kung saan gagamitin ang bawat panulat na iyong hawakan

Papel kung saan ito’y magsisilbing talangguhitan kung ano na ang mga nagawa mo sa iyong buhay, papel na magsasbi kung gaano ka nadapa at nagwagi.